Alisher Usmonov va sheriklarining USM xoldingi investorlik qiladigan ESforce tashkiloti 2016-yil oktabrida Moskvada dunyodagi eng katta kiberstadionlardan birini ochadi, deya xabar bermoqda “RBK” kompaniya vakiliga tayanib.
5 ming kvadrat metr maydonga ega arena qurilishiga 5 million dollardan ortiq mablag‘ sarflanadi.
Arena nafaqat Rossiyada, balki butun dunyoda ham eng kattasiga aylanishi mumkin. Masalan, AQShda eng katta kibersport maydonlaridan Esports Arena — 1,4 ming kvadrat metr, MLG.tv Columbus Arena — 1,3 ming kvadrat metr maydonga ega.
Rossiyaning kibersport sohasidagi ESforce jamiyatiga (avvalgi nomi Virtus.pro) Alisher Usmonov va sheriklarining USM xoldingi 2015-yil kuzida 100 million dollarga yaqin sarmoya kiritgan edi.
Izoh (0)