Saudiya Arabistoni 2020-yilga kelib mamlakat budjetiga yiliga 100 milliard dollar xomashyoga bog‘liq bo‘lmagan daromad kelishini ko‘zda tutuvchi iqtisodiy strategiyani ishlab chiqdi. Bu haqda ikkinchi valiahd shahzoda Muhammad bin Salmon Bloomberg agentligiga ma’lum qildi, deya xabar beradi “RBK”.
Mamlakat iqtisodiyot va rivojlanish kengashini boshqaruvchi shahzodaning bildirishicha, ishlab chiqilayotgan choralar subsidiyalar islohoti, shuningdek, qo‘shimcha qiymat, energetik va shirin ichimliklar, hashamat uchun qo‘shimcha soliqlar joriy etishni o‘z ichiga oladi.
Yana bir muhokama etilayotgan chora —mamlakat fuqarosi bo‘lmagan kishilar uchun AQSh grin-kartasiga o‘xshash, mamlakat hududida yashashga ijozat beruvchi hujjat joriy etilishi va chet ellik mutaxassislarni yollashga kvotalarni ko‘paytirishdan iborat.
Saudiya rasmiylari shu tariqa 2020-yilga kelib, budjetga yiliga qo‘shimcha 100 milliard dollar tushirishni rejalashtirmoqda.
Izoh (0)