Алишер Усмонов ва шерикларининг USM холдинги инвесторлик қиладиган ESforce ташкилоти 2016 йил октябрида Москвада дунёдаги энг катта киберстадионлардан бирини очади, дея хабар бермоқда «РБК» компания вакилига таяниб.
5 минг квадрат метр майдонга эга арена қурилишига 5 миллион доллардан ортиқ маблағ сарфланади.
Арена нафақат Россияда, балки бутун дунёда ҳам энг каттасига айланиши мумкин. Масалан, АҚШда энг катта киберспорт майдонларидан Esports Arena — 1,4 минг квадрат метр, МLG.tv Columbus Arena — 1,3 минг квадрат метр майдонга эга.
Россиянинг киберспорт соҳасидаги ESforce жамиятига (аввалги номи Virtus.pro) Алишер Усмонов ва шерикларининг USM холдинги 2015 йил кузида 100 миллион долларга яқин сармоя киритган эди.