Muxolifatchi “Suriya ozodlik armiyasi” qismlari jangarilari Al-Ziyara aholi punkti hududidan Ayn-Saleymo qishlog‘ini minomyotdan o‘qqa tutdi, natijada tinch aholi vakillaridan ikki kishi halok bo‘ldi, to‘rt kishi yaralandi, deb yozadi “TASS” Suriyada dushman tomonlarni yarashtirish markaziga tayanib.
Suriya qurolli kuchlari bo‘linmalarining minomyot otishmalari Sandran, Shmaysa, Mazraat-Omaro aholi punktlarida ham davom etdi.
“Rossiya harbiy-kosmik kuchlari va Suriya harbiy-havo kuchlari, jangovar harakatlar to‘xtaganini ma’lum qilgan va Rossiya yoki Amerikaning yarashtirish markazlariga o‘z o‘rnashgan joyi haqida xabar bergan qurolli muxolifat qismlariga zarbalar bermadi”, — deyiladi xabarda.
Bir kecha-kunduz ichida Latakiya provinsiyasida jami to‘rtta qoidabuzarlik qayd etilgan.