Tog‘li Qorabog‘da Ozarbayjon qo‘shinlari bilan janglarda armanlar tomonidan bo‘lgan yo‘qotishlar 20 nafar qurbon va 72 nafar yaradorni tashkil etdi. Bunday ma’lumotlar tan olinmagan Tog‘li Qorabog‘ Respublikasi armiyasi matbuot anjumanida keltirib o‘tildi, deb yozadi Meduza. Unda aytilishicha, armanlarning yettita tanki otib shikastlangan.
Tan olinmagan Tog‘li Qorabog‘ Respublikasi armiyasi Ozarbayjon ko‘rgan talafotni 300 nafar qurbonga baholadi. Armanistonliklar, shuningdek, Ozarbayjonning 18 ta tanki, uchta jangovar piyodalar mashinasi, ikkita vertolyoti, oltita uchuvchisiz uchar qurilmasi, “Grad” baravariga otish tizimi va bitta muhandislik texnikasi yo‘q qilinganini ta’kidlamoqda.
Ozarbayjon esa, o‘z navbatida, so‘nggi soatlar ichida armanlarning 170 nafargacha harbiy xizmatchisi va 12 dona zirhli texnikasi zararsizlantirilganini aytmoqda. O‘z talafotini Ozarbayjon hamon 12 qurbonga baholamoqda.
Tog‘li Qorabog‘da 3-apreldan buyon faol jangovar harakatlar davom etmoqda. Mojaroning ikkala tomoni ham bir-birini vaziyatni keskinlashtirishda va turar-joy tumanlarini o‘qqa tutishda ayblamoqda.
Izoh (0)