“Yanstrong” transport kompaniyasi Ukrainada yuk mashinasidan qochgan fil haqidagi yangilik 1-aprel hazili ekanligini tan oldi. Bu haqda “Korrespondent.net” ma’lum qildi.
“Kompaniyamiz va ushbu yangilikka bo‘lgan qiziqishingiz uchun minnatdormiz. Markiz laqabli fil haqidagi qayg‘uli hikoyaga befarq bo‘lmaganingiz uchun rahmat. To‘g‘risi, birinchi aprel hazilimiz bunchalik qiziqishga sabab bo‘lishini kutmagandik. Sizlarning vaqtingizni chog‘ qiloldik, degan umiddamiz”, — deyiladi kompaniya xabarida.
Eslatib o‘tamiz, oldinroq Vengriyadan Belarusga keltirilayotgan sirk fili Ukrainada yuk mashinasidan o‘rmonga qochib ketgani haqida xabar berilgandi.
Izoh (0)