Ҳиндистоннинг Калькутта шаҳрида қурилаётган кўприк қулаши оқибатида нобуд бўлганлар сони 24 кишига етди. Бу ҳақда «РИА Новости» хабар бермоқда.
Олдинроқ ҳодиса оқибатида 20 киши ҳалок бўлгани хабар қилинганди.
«Қутқарув операцияси деярли якунланди. Вайроналар остида ҳеч ким қолмади. Жами 90 га яқин кишини қутқаришга муваффақ бўлинди», — дея маълум қилган NDTV телеканалига расмий манба.
Полициячилар гуруҳи кўприк пудратчиси бўлган IVRCL компанияси масъулларини ҳибсга олиш учун Калькуттадан Ҳайдарободга йўл олгани билдирилмоқда. Мазкур иншоот қурилишига 2009 йилда киришилган, уни якунлаш муддати бир неча бор кейинга сурилганди.
Изоҳ (0)