KXDR hukumati mamlakat hududida Facebook ijtimoiy tarmog‘i, YouTube videoservisi, Twitter mikrobloglar tarmog‘i, “Amerika ovozi” radiostansiyalari saytlari va Janubiy Koreya OAVlari saytlari yopib qo‘yilganini ma’lum qildi, deb yozadi “TASS” Associated Press’ga tayanib.
KXDR pochta va telekommunikatsiyalar vazirligining tegishli ko‘rsatmasi Koryolink mobil aloqa milliy provayderi va internet xizmatlarini taqdim etadigan boshqa tashkilotlarga yo‘naltirildi.
Muassasa bayonotida aytilishicha, bu “Respublikaga qarshi qaratilgan yolg‘on targ‘ibot” tarqalishining oldini olish va “shahvoniy xususiyatga ega axborotlar bo‘lgan saytlarni” bloklash maqsadida amalga oshirilgan.
AP ta’kidlashicha, so‘nggi oylar davomida KXDR hukumati bu haqda rasman e’lon qilmasdan turib, xorijiy saytlarni bloklab kelgan.
Izoh (0)