Suriya qurolli kuchlari o‘t ochishni to‘xtatish rejimi va xalqaro huquq qoidalarini buzgan holda, 31-mart, payshanba kuni Damashq tashqarisida joylashgan Deyr-al-Asafir shahridagi maktab va kasalxonani bombardimon qildi. Bu haqda AQSh Davlat departamenti matbuot xizmati boshlig‘i Jon Kirbi bayonotida aytiladi, deb yozadi “TASS”.
Uning so‘zlariga ko‘ra, hodisa natijasida, ayni paytdagi ma’lumotlar bo‘yicha, 20 dan ziyod kishi halok bo‘lgan, yana o‘nlab kishilar, jumladan, ayollar va qutqaruv xizmatlari xodimlari yaralangan.
Jon Kirbi ta’kidlashicha, Vashington tinch aholiga nisbatan uyushtirilgan bunday hujumlarni “qat’iy tarzda qoralaydi”. Diplomat AQSh Damashqda yangi hukumatga siyosiy o‘tishni ta’minlash maqsadidagi BMT rahbarligidagi muzokaralarni qo‘llab-quvvatlashda davom etishini, shuningdek, o‘t ochishni to‘xtatish rejimida qatnashayotgan barcha tomonlarni ushbu yarashuv sulhi shartlariga rioya qilishga chaqirishini aytdi.
Izoh (0)