O‘zbekistonliklar figurachi Misha Geni qit’alararo musobaqaga chiqarish uchun ovoz berishga da’vat etildi

Qit’alararo Team Challenge Cup musobaqasida qatnashadigan jamoalardan biri tarkibiga o‘zbekistonlik figurachi Misha Ge ham kirishi mumkin. Bu to‘liq xalq tomonidan ovoz berilishiga bog‘liq.

Facebook’dagi “Potrebitel.uz” guruhi a’zolaridan biri joylagan postda aytilishicha, ushbu musobaqada Shimoliy Amerika, Yevropa va Osiyodan bor-yo‘g‘i uchta jamoa ishtirok etadi. O‘zbekistonlik sportchi Osiyo jamoasi uchun uchinchi nomzod bo‘lib, uning taqdiri to‘liq xalq qo‘lida.

Mishaga ovoz berish uchun ushbu link bo‘yicha musobaqa saytiga kirib, Misha Geni topish va e-mail’ni kiritish kerak. Ovoz berish 4-aprelga qadar davom etadi.

Ta’kidlanishicha, xitoylik figurachi Boyan Szin allaqachon 100 mingga yaqin ovoz to‘plagan.

Foydalanuvchi Misha Geni musobaqaga chiqarish uchun o‘zbekistonliklarni bo‘sh kelmaslikka chaqirgan.