Yer yuzidagi insonlarning 650 millionga yaqini yoki aholining 13 foizi ortiqcha vazndan aziyat chekmoqda. Bu haqda London Imperiya kolleji tadqiqotchilari tomonidani The Lancet tibbiyot jurnalida chop etilgan maqolada ma’lum qilingan, deya xabar beradi “Interfaks”.
“Agar shu holat davom etsa, 2025-yilga kelib erkaklarning 18, ayollarning 21 foizi ortiqcha vazn muammosiga duch keladi. Erkaklarning 6, ayollarning 9 foizdan ziyodi semizlikning salomatlik uchun xavfli bosqichida bo‘ladi”, — deyiladi mazkur tadqiqotda.
Ortiqcha vazndagi kishilar soni 1975-yildagi 105 milliondan 2014-yilga kelib 641 million kishiga yetgan (375 million ayollar, 266 million erkaklar). Ularning salkam 20 foizi Avstraliya, Kanada, Irlandiya, Yangi Zelandiya, Buyuk Britaniya va AQShda yashaydi.
Shu bilan birga, BMT ma’lumotlariga ko‘ra, dunyodagi har to‘qqizinchi inson risoladagidek hayot kechirish uchun yetarli oziq-ovqatga ega emas.
Izoh (0)