Ер юзидаги инсонларнинг 650 миллионга яқини ёки аҳолининг 13 фоизи ортиқча вазндан азият чекмоқда. Бу ҳақда Лондон Империя коллежи тадқиқотчилари томонидани The Lancet тиббиёт журналида чоп этилган мақолада маълум қилинган, дея хабар беради «Интерфакс».
«Агар шу ҳолат давом этса, 2025 йилга келиб эркакларнинг 18, аёлларнинг 21 фоизи ортиқча вазн муаммосига дуч келади. Эркакларнинг 6, аёлларнинг 9 фоиздан зиёди семизликнинг саломатлик учун хавфли босқичида бўлади», — дейилади мазкур тадқиқотда.
Ортиқча вазндаги кишилар сони 1975 йилдаги 105 миллиондан 2014 йилга келиб 641 миллион кишига етган (375 миллион аёллар, 266 миллион эркаклар). Уларнинг салкам 20 фоизи Австралия, Канада, Ирландия, Янги Зеландия, Буюк Британия ва АҚШда яшайди.
Шу билан бирга, БМТ маълумотларига кўра, дунёдаги ҳар тўққизинчи инсон рисоладагидек ҳаёт кечириш учун етарли озиқ-овқатга эга эмас.
Изоҳ (0)