Boeing kompaniyasi rasmiylardan so‘rov bo‘lgan taqdirda Rostov-Don aeroportida qulagan 737-800 samolyoti halokati sabablarini tekshirishda ishtirok etadi. Bu haqda “Interfaks” xabar bermoqda.
“Boeing tekshiruvni olib borayotgan rasmiy idoralar so‘roviga ko‘ra texnik ko‘mak ko‘rsatishga tayyorligini bildiradi”, — deyiladi kompaniya bayonotida.
Ishlab chiqaruvchining eslatishicha, xalqaro qoidalarga binoan, tekshiruvlar haqidagi barcha ma’lumotni faqat mahalliy rasmiylar oshkor etishi mumkin.
Eslatib o‘tamiz, 19-mart, shanba kuni FlyDubai aviakompaniyasiga tegishli Boeing 737-800 layneri Rossiyaning Rostov-Don shahri aeroportiga qo‘nish vaqtida halokatga uchradi. Hodisa oqibatida samolyot bortida bo‘lgan barcha yo‘lovchilar va ekipaj a’zolari halok bo‘lgan.
Izoh (0)