Jahon bozoridagi neft narxi 16-mart, chorshanba kungi savdolarda o‘sib bordi, deb yozadi “RBK”.
Toshkent vaqti bilan 21:00 da mayda yetkazib beriladigan Brent markasidagi neft fyucherslari 40,19 dollar darajasida sotildi, bu avvalgi sessiya yopilishi chog‘idagi ko‘rsatkichdan 1,3 dollarga yuqoridir (+3,85%).
WTI markasidagi neft ham qimmatlashmoqda. Aprelda yetkazib beriladigan neft narxi 37,80 dollargacha oshdi, bu bir kun avvalgi savdolarning yopilish chog‘idagidan qariyb 1,5 dollarga ko‘proqdir (+4,1%).
Financial Times neft narxining oshishini Dohada neftning eng yirik ishlab chiqaruvchilari ishtirokida bo‘lib o‘tadigan uchrashuv bilan bog‘lamoqda.
Izoh (0)