Жаҳон бозоридаги нефть нархи 16 март, чоршанба кунги савдоларда ўсиб борди, деб ёзади «РБК».
Тошкент вақти билан 21:00 да майда етказиб бериладиган Brent маркасидаги нефть фьючерслари 40,19 доллар даражасида сотилди, бу аввалги сессия ёпилиши чоғидаги кўрсаткичдан 1,3 долларга юқоридир (+3,85%).
WTI маркасидаги нефть ҳам қимматлашмоқда. Апрелда етказиб бериладиган нефть нархи 37,80 долларгача ошди, бу бир кун аввалги савдоларнинг ёпилиш чоғидагидан қарийб 1,5 долларга кўпроқдир (+4,1%).
Financial Times нефть нархининг ошишини Доҳада нефтнинг энг йирик ишлаб чиқарувчилари иштирокида бўлиб ўтадиган учрашув билан боғламоқда.
Изоҳ (0)