Яман ҳукумат кучлари Саудия Арабистони бошчилигидаги араб коалицияси ёрдамида Тоиз шаҳрида исёнчи хусийлар мудофаасини ёриб ўтди. Бу ҳақда «ТАСС» хабар бермоқда.
«Кучларимиз Тоиз шаҳрининг жануби-ғарбий қисмида қамални ёриб ўтди ва хусийлар ҳамда собиқ президент Али Абдулла Солиҳ тарафдорларини сиқиб чиқарди», — дейилади ҳукумат қўшинлари қўмондонлиги баёнотида.
ОАВ маълумотларига кўра, тўқнашувлар натижасида 100 га яқин исёнчи йўқ қилинган, ҳукумат кучлари сафидаги йўқотишлар ҳақида маълумот берилмаган.
Мамлакатнинг аҳоли сони бўйича учинчи шаҳри бўлган Тоиз (200 минг фуқарога эга) ўтган йил 22 мартидан бери исёнчи хусийлар назоратида эди.
Изоҳ (0)