Rossiya TIV Shimoliy Koreyaning yadro qurolini rivojlantirish va raketalarga o‘rnatish rejalarini “mas’uliyatsizlik” deb atadi

Rossiya tashqi ishlar vaziri Sergey Lavrov Shimoliy Koreyaning yadro qurolini  yaratish va uni raketalarda qo‘llash rejalarini “mas’uliyatsizlik” deb atadi. Bu haqda “RIA Novosti” xabar bermoqda.

“Shimoliy Koreya rahbariyatining BMT Xavfsizlik Kengashi rezolyutsiyalari KXDRni yadro quroli yaratish va uni raketalarga o‘rnatish hamda Pxenyanni ‘xafa qilayotgan’ deyarli barcha bilan urush boshlashdan to‘xtatolmasligi to‘g‘risidagi bayonotlarini ko‘ryapmiz va eshityapmiz. Bunday xatti-harakatni ‘mas’uliyatsizlik’ deb hisoblaymiz. BMT Xavfsizlik Kengashi tomonidan qabul qilingan rezolyutsiyalardagi barcha talablar mutlaqo o‘rinli bo‘lib, ularni so‘zsiz bajarish zarur”, — deya ta’kidlagan Lavrov xitoylik hamkasbi Van I bilan muzokaralar yakunlaridan so‘ng.

Eslatib o‘tamiz, oldinroq Xitoy Shimoliy Koreyani yadroviy davlat maqomini tan olmasligi bildirilgandi.