Россия ташқи ишлар вазири Сергей Лавров Шимолий Кореянинг ядро қуролини яратиш ва уни ракеталарда қўллаш режаларини «масъулиятсизлик» деб атади. Бу ҳақда «РИА Новости» хабар бермоқда.
«Шимолий Корея раҳбариятининг БМТ Хавфсизлик Кенгаши резолюциялари КХДРни ядро қуроли яратиш ва уни ракеталарга ўрнатиш ҳамда Пхеньянни ‘хафа қилаётган’ деярли барча билан уруш бошлашдан тўхтатолмаслиги тўғрисидаги баёнотларини кўряпмиз ва эшитяпмиз. Бундай хатти-ҳаракатни ‘масъулиятсизлик’ деб ҳисоблаймиз. БМТ Хавфсизлик Кенгаши томонидан қабул қилинган резолюциялардаги барча талаблар мутлақо ўринли бўлиб, уларни сўзсиз бажариш зарур», — дея таъкидлаган Лавров хитойлик ҳамкасби Ван И билан музокаралар якунларидан сўнг.
Эслатиб ўтамиз, олдинроқ Хитой Шимолий Кореяни ядровий давлат мақомини тан олмаслиги билдирилганди.
Изоҳ (0)