Rossiyaning Tambov viloyatidagi Kotovsk shahrida joylashgan porox zavodida 11-mart, juma kuni ro‘y bergan portlash oqibatida, dastlabki taxminlarga ko‘ra, ikki kishi halok bo‘lgan va uch kishi yaralangan. Bu haqda viloyat favqulodda xizmatlaridagi manba ma’lum qilgan, deya xabar beradi “RIA Novosti”.
Shahar rasmiylari bir kishi o‘lgani va besh kishi jabrlanganini bildirgan. Xavfsizlik qoidalariga rioya etilmagani portlashga sabab bo‘lgani aytilmoqda.
Bu keyingi vaqtda zavodda sodir bo‘lgan ikkinchi shunday hodisa: o‘tgan yilning 30-sentabr kuni porox quritish sexida ro‘y bergan portlash tufayli ikki kishi nobud bo‘lgan va uch kishi yaralangandi.
Izoh (0)