Спорт фотосуратчиси Кристофер Хорен 7 март куни Twitter’даги саҳифасида Орландода бўлиб ўтган бейсбол учрашувидан олинган икки фотосуратни эълон қилди. Суратда ўғлини бейсбол таёғи зарбасидан қутқариб қолишга улгурган ота акс этган, дея хабар бермоқда TJournal.
Фотосурат атиги бир неча соат ичида икки минг марта ретвит қилинди, Ғарб нашрлари эса «Ота ўз ўғлини бейсбол таёғи зарбасидан қутқариб қолди» сарлавҳаси остида ўнлаб хабарларни чоп этишга улгурди.
Кейинроқ фотосурат қаҳрамонлари Шон Каннингем ва унинг ўғли Ландон эканлиги маълум бўлди. Шон ўт ўчирувчи бўлиб ишлайди, ўсмирлигида эса бейсбол жамоасида ўйнаган. Ажойиб реакцияси сабаб, у боланинг юзини кучли зарбадан ўз вақтида муҳофаза қилишга улгурган.Воқеа билан боғлиқ суратлар кетма-кетлиги
8 ёшли Ландон ҳаётида илк бор бейсбол учрашувига ташриф буюрганди — бу имконият унга туғилган кун совғаси сифатида тақдим этилганди.
Ўйин вақтида таёқ «Питтсбург Пайретс» жамоаси ўйинчисининг қўлидан чиқиб кетиб, томошабинлар томон уча бошлаган. Бу вақтда Ландон эътиборини телефонга қаратиб, онасига учрашув фотосуратларини Facebook орқали йўллашга ҳаракат қилаётган эди.
Ҳодисадан сўнг Шон Каннингем телевидениедан бир неча таклиф олди, интернет фойдаланувчилари эса бир қатор ҳазил фотосуратларни тайёрлади.
Матрица: Орамиздаги танланган
Сеҳргарлик ёрдамида ўз атрофида муҳофаза доирасини яратишга уринаётган эркак
Ҳаммаёқда бейсбол таёқлари
Юлдузлар жанги: Ситхлар қасоси
Кўршапалак ва учаётган бейсбол таёғи инглиз тилида бир хил жаранглайди: «flying bat»
Санъат асаридан лавҳа
Қизил футболкадаги йигит
Бу ўйин вақтида таёқ бейсболчининг қўлидан чиқиб кетиб, томошабинлар томон учиб бориши билан боғлиқ биринчи ҳолат эмас. Бундай вазиятлар сабаб мунтазам равишда янги фотоҳазиллар, бейсбол билан боғлиқ маҳаллий мемлар пайдо бўлади.
Изоҳ (0)