2016-yil 9-mart kuni O‘zbekiston Respublikasi Oliy Majlisi Senati Kengashining majlisi bo‘lib o‘tdi. Bu haqda Senat axborot xizmatiga tayanib, O‘zA xabar berdi.
Kengash O‘zbekiston Respublikasi Oliy Majlisi Senatining beshinchi yalpi majlisini shu yil 31-mart kuni Toshkent shahrida chaqirish to‘g‘risida qaror qabul qildi.
Senatning yalpi majlisida mamlakat ijtimoiy-siyosiy va sotsial-iqtisodiy hayotini isloh qilish hamda liberallashtirishga qaratilgan bir qator qonunlar, jumladan, “Parlament nazorati to‘g‘risida”gi, “Buxgalteriya hisobi to‘g‘risida”gi (yangi tahriri), ayrim qonun hujjatlariga o‘zgartish va qo‘shimchalar kiritish to‘g‘risidagi qonunlar, ayrim idoralar va muassasalar hisobotlari, shuningdek, Senatning prokuratura organlari faoliyatini nazorat qiluvchi komissiyasi tarkibi to‘g‘risidagi masala ko‘rib chiqiladi.
Majlisda O‘zbekiston Respublikasi Oliy Majlisi Senati Kengashining vakolatiga kiradigan boshqa masalalar ham muhokama qilinib, ular yuzasidan tegishli qarorlar qabul qilindi.
Izoh (0)