Toshkent propiskasi uchun ijara shartnomasi, O‘zbekiston davlat xizmatchilari uchun odob qoidalari, Tataristondagi “O‘zbekiston go‘zali” va kunning boshqa muhim yangiliklari

9-martning e’tiborga molik yangiliklari — “Daryo”ning kechki dayjestida.

1. O‘zbekistonda dollarning rasmiy kursi 5 so‘m 4 tiyinga oshdi. Yevroning kursi esa qariyb 65 so‘mga tushdi.

2. Toshkent shahri va viloyatida vaqtinchalik propiska olish uchun ijara shartnomasini taqdim etish kerak. O‘zbekiston fuqarolarini Toshkent shahri va Toshkent viloyatida doimiy propiska qilish va turgan joyi bo‘yicha hisobga olish tartibi to‘g‘risidagi nizomga o‘zgartirish kiritildi.

3. O‘zbekistonda davlat xodimlarining odob-axloq qoidalari tasdiqlandi. Odob-axloq qoidalariga rioya etish davlat xizmatchisining kasbiy faoliyatini va xizmatdagi xulq-atvorini baholash mezonlaridan biri hisoblanadi.

4. Toshkent, Samarqand shaharlari va Farg‘ona vodiysida 10-mart kuni biroz yomg‘ir yog‘ishi mumkin. Shu kuni Buxoro, Navoiy, Qashqadaryo, Surxondaryo viloyatlarida havo harorati +25 darajagacha ko‘tariladi.

5. Tataristonda o‘tkazilgan “O‘zbekiston go‘zali” tanlovida 19 yoshli talaba qiz g‘alaba qozondi. Tanlov Tatariston Respublikasi o‘zbeklari milliy-madaniy muxtoriyati hamda “O‘zbekiston Respublikasi yoshlari” mintaqaviy jamoat tashkiloti tomonidan o‘tkazildi.