КХДР ва Корея Республикаси чегарасида Жанубий Корея қуролли кучлари офицерининг жасади топилди, дея хабар бермоқда «ТАСС» Yonhap агентлигига таяниб.
«Ўқ тегиши натижасида яраланган жасад чегара яқинида, аҳоли пунктларидан олисда ҳарбий транспорт воситасининг ҳайдовчи ўриндиғида топилди», — дея маълум қилди армиядаги манбаси агентликка. Унинг сўзларига кўра, марҳум 37 ёшда бўлган.
Мурда ёнида тўппонча бўлган, ўз жонига қасд қилганлик ҳолатини тасдиқловчи, ўлим олдидан ёзилган ҳеч қандай мактуб топилмади. Манба сўзларига кўра, ўлимидан аввал офицер чегара ҳудудини қўриқлаб, топшириқни бажарган. Ҳодиса билан боғлиқ вазият ва унинг сабаблари аниқланмоқда.
Изоҳ (0)