Toshkentning Bektemir tumanida yosh oilalarga “Kamolot” uylari topshirildi

Toshkentning Bektemir tumanida bunyod etilgan “Kamolot” uylari yosh oilalarga topshirildi. Bu haqda O‘zA xabar bermoqda.

“Kamolot” uylari boshlang‘ich badal to‘lanmasdan, 20 yil muddatga, 5 yillik imtiyozli davr belgilangan holda berilayotgani yosh oilalar, jumladan, poytaxtliklarga qulaylik yaratmoqda. 2015-yilda Toshkent shahrining Sergeli, Uchtepa va Bektemir tumanlarida 160 xonadonli 5 ta “Kamolot” uyi yosh oilalarga topshirilgandi.

Joriy yilda ham ushbu an’ana davom ettirilmoqda. Yanvar oyida Mirobod va Chilonzor tumanlarida har biri 32 xonadondan iborat 3 ta “Kamolot” uyi barpo etilgandi. Bektemir tumanida foydalanishga topshirilgan yangi uy ham ular qatoridan o‘rin oldi.