Vazirlar Mahkamasining qarori (pdf) bilan O‘zbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi bo‘yicha hisobga olish tartibi to‘g‘risidagi nizomga o‘zgartirish kiritildi, deb yozadi “Norma.uz”.
Endi Toshkent shahri va Toshkent viloyatida turgan joyi bo‘yicha hisobga olish uchun fuqaro avval ko‘zda tutilgan hujjatlar bilan bir qatorda, turar joyning yoxud uning bir qismining ijara shartnomasining yoki turar joydan yoxud uning bir qismidan tekin foydalanish shartnomasining notarial tasdiqlangan nusxasini taqdim etishi kerak.
Agar vaqtincha turgan joyi bo‘yicha hisobda turish uchun murojaat qilgan fuqaro turar joy mulkdorining yaqin qarindoshi bo‘lsa, turar joy yoxud uning bir qismidan tekin foydalanish shartnomasining notarial nusxasini taqdim etish talab etilmaydi. Ushbu holatda vaqtincha turgan joyi bo‘yicha hisobda turish uchun murojaat qilgan fuqaroning va turar joy yoxud uning bir qismi mulkdorining qarindoshligi darajasini tasdiqlaydigan hujjatlar taqdim etilishi kerak.
Izoh (0)