KXDR tashqi ishlar vaziri Li Su Yon BMT Inson huquqlari bo‘yicha kengashining o‘tgan hafta Shveysariyada boshlangan sessiyasidagi ishtirokini to‘xtatib, qaytib keldi, deya xabar bermoqda “TASS”. Pxenyan ushbu organni ikki xil standartlarga rioya qilishda ayblab, uning sessiyasini boykot qilishga qaror qildi.
Jenevada so‘zga chiqar ekan, mamlakat tashqi siyosiy muassasasi rahbari “KXDRga qarshi qabul qilinadigan har qanday rezolyutsiya qo‘sh standartlar va adolatsizlik dalilidan boshqa narsa bo‘lmasligi” haqida ogohlantirdi.
KXDR vaziri so‘zlariga ko‘ra, “keng tarzda siyosiy ruh berish, saylov bo‘yicha yondashuv va qo‘sh standartlar tufayli o‘zining Kengash sessiyalaridagi ishtiroki imkoniyatlarini qayta ko‘rib chiqadi”.
Shu bilan birga, Li Su Yon “Kengashdagi yomonlashgan vaziyat”ga e’tibor qaratdi, AQSh va boshqa qator mamlakatlarni KXDRdagi inson huquqlari bilan bog‘liq vaziyat haqidagi ma’lumotlarni qalbakilashtirishda aybladi.
Eslatib o‘tamiz, avvalroq Pxenyan bundan keyin BMTning Inson huquqlari bo‘yicha kengashi ishida qatnashishdan bosh tortgan edi.
Izoh (0)