Janubiy Koreya rasmiylari KXDRga qarshi bir tomonlama qo‘shimcha sanksiyalar joriy etdi. Bu haqda “RBK” xabar bermoqda.
Cheklovchi choralar 30 tashkilot va 40 nafar jismoniy shaxsga taalluqli bo‘ladi. Seulda aniqlik kiritilishicha, ro‘yxatdagi 24 tashkilot va 38 kishi Shimoliy Koreyada bo‘lib, qolganlari esa uning tashqarisida. Ularning Janubiy Koreya hududidagi aktivlari muzlatiladi, mamlakat fuqarolariga esa mazkur shaxslar va tashkilotlar bilan moliyaviy shartnomalar tuzish man etilgan.
Shuningdek, Seul 180 kun ichida Shimoliy Koreyada bo‘lib qaytgan har qanday kemaga o‘z hududiga kirishni taqiqlab qo‘ydi. Oldin bunday cheklov faqat KXDR kemalariga oid edi.
Izoh (0)