Avariyani bartaraf etish bo‘yicha shtab Vorkutadagi “Shimoliy” konini suvga bostirish to‘g‘risida yakuniy qaror qabul qildi. Bu haqda “Vorkutaugol” va “Severstal” kompaniyalari matbuot xizmatlariga tayanib, “TASS” xabar bermoqda.
“‘Shimoliy’ konidagi yong‘inni bartaraf etish suvga bostirish yo‘li bilan amalga oshiriladi. Suv berilishi yaqin soatlarda boshlanadi. Mazkur qaror hukumat komissiyasi bilan kelishilgan. Shundan so‘ng halok bo‘lgan konchilar jasadini qidirish ishlari boshlanadi. ‘Shimoliy’ konidagi ishlarni qayta tiklash ham rejalashtirilmoqda, biroq buning aniq muddatini aytish mushkul”, — deyiladi ushbu xabarda.
Operatsiyani amalga oshirilish muddati taxminan 60—80 kun etib belgilangan.
Eslatib o‘tamiz, “Shimoliy” konida bedarak yo‘qolgan 26 konchi 4-mart kuni rasman halok bo‘lgan deb e’lon qilindi.
Izoh (0)