Аварияни бартараф этиш бўйича штаб Воркутадаги «Шимолий» конини сувга бостириш тўғрисида якуний қарор қабул қилди. Бу ҳақда «Воркутауголь» ва «Северсталь» компаниялари матбуот хизматларига таяниб, «ТАСС» хабар бермоқда.
«‘Шимолий’ конидаги ёнғинни бартараф этиш сувга бостириш йўли билан амалга оширилади. Сув берилиши яқин соатларда бошланади. Мазкур қарор ҳукумат комиссияси билан келишилган. Шундан сўнг ҳалок бўлган кончилар жасадини қидириш ишлари бошланади. ‘Шимолий’ конидаги ишларни қайта тиклаш ҳам режалаштирилмоқда, бироқ бунинг аниқ муддатини айтиш мушкул», — дейилади ушбу хабарда.
Операцияни амалга оширилиш муддати тахминан 60—80 кун этиб белгиланган.
Эслатиб ўтамиз, «Шимолий» конида бедарак йўқолган 26 кончи 4 март куни расман ҳалок бўлган деб эълон қилинди.
Изоҳ (0)