Slovakiya sobiq prezidenti Mixal Kovach Bratislavadagi kasalxonalardan biriga keltirildi, deya xabar bermoqda “Vedomosti” Associated Press’ga tayanib.
Ayni paytda 85 yoshda bo‘lgan Kovachning ahvoli barqaror, hayotiga hech narsa xavf solmayapti. Slovakiya sobiq prezidenti avval ham kasalxonaga bir necha marta yotqizilgan, bu asosan uning Parkinson kasalligi bilan bog‘liq muammolar sababli bo‘lgan.
Chexoslovakiya ikkita mustaqil davlat — Chexiya va Slovakiyaga 1993-yil 1-yanvarda tinch yo‘l bilan bo‘lingan edi. Mixal Kovach Slovakiyaning birinchi prezidenti bo‘lgan. U ushbu lavozimni 1993-yil 2-martdan 1998-yil 2-martgacha egallab kelgan.
Izoh (0)