Yevrokomissiya Gretsiya hukumati va Trans Adriatic Pipeline AG kompaniyasi o‘rtasida Transadriatika gaz quvuri (TAP) qurilishi haqidagi bitimni Yevroittifoq qonunchiligiga muvofiq deb topdi. Bu haqda “RBK” xabar bermoqda.
Hujjatda ta’kidlanishicha, TAP qurilishini faqat xususiy investorlar moliyalashtiradi, bitimda ko‘zda tutilgan maxsus soliq rejimi Yevroittifoq gaz bozoridagi raqobat darajasiga jiddiy salbiy ta’sir ko‘rsatmaydi.
Yevroittifoq hukumati TAP bo‘yicha gaz yetkazib berilishi 2020-yildan boshlanishini nazarda tutmoqda. Kelajakda esa Adriatika dengizi tubi orqali yiliga qariyb 10 milliard kub metr gaz yetkaziladi, bu Italiya iste’molining 17 foizini qoplaydi va Yevropa janubining hozirgi yetkazib beruvchilarga bog‘liqligini kamaytiradi.
Izoh (0)