Avstraliyaning Adelaida shahridagi katta yo‘lda koala velosipedchilarni suv uchun to‘xtatdi, deya xabar bermoqda “Gazeta.ru”. Chanqab ketgan jonivor velosipedlardan birining g‘ildiragiga chiqib olgan, uning egasi koalaga o‘z idishidagi suvdan ichirgan.
Fauna Rescue South Australia notijorat tashkiloti eksperti so‘zlariga ko‘ra, koalaning xatti-harakatlarida noodatiy narsa yo‘q. “Koalalar odamlarga juda ishonadi va ularning hid bilish qobiliyati kuchli”, — dedi u.
Uning aytishicha, koalalar suv hidini sezadi, shuning uchun tez-tez odamlar qarshisiga chiqib turadi.
Nashr ta’kidlashicha, quruq va issiq havoda evkalipt yaproqlarida namlik kamayadi, natijada koalalar yordam “so‘rash”ga majbur bo‘ladi.
Adelaida trassasidagi koala 30 daqiqa suv ichdi, uni mutaxassislarga ko‘rsatishganida, jonivorning sog‘lig‘i joyida ekanligini aytishdi. Koalaga datchik o‘rnatishdi va qo‘yib yuborishdi.
Izoh (0)