Еврокомиссия Греция ҳукумати ва Trans Adriatic Pipeline AG компанияси ўртасида Трансадриатика газ қувури (ТAP) қурилиши ҳақидаги битимни Евроиттифоқ қонунчилигига мувофиқ деб топди. Бу ҳақда «РБК» хабар бермоқда.
Ҳужжатда таъкидланишича, ТAP қурилишини фақат хусусий инвесторлар молиялаштиради, битимда кўзда тутилган махсус солиқ режими Евроиттифоқ газ бозоридаги рақобат даражасига жиддий салбий таъсир кўрсатмайди.
Евроиттифоқ ҳукумати ТAP бўйича газ етказиб берилиши 2020 йилдан бошланишини назарда тутмоқда. Келажакда эса Адриатика денгизи туби орқали йилига қарийб 10 миллиард куб метр газ етказилади, бу Италия истеъмолининг 17 фоизини қоплайди ва Европа жанубининг ҳозирги етказиб берувчиларга боғлиқлигини камайтиради.
Изоҳ (0)