“Saudiya havo yo‘llari” yo‘lovchi laynerining komandiri parvoz chog‘ida vafot etgach, havo kemasi ikkinchi uchuvchi tomonidan qo‘ndirildi, deya xabar bermoqda The Daily Mail.
Bortida 220 yo‘lovchi bo‘lgan samolyot 1-mart kuni Bisha — Ar-Riyod yo‘nalishi bo‘yicha ikki soatlik ichki reysni amalga oshirayotgan edi.
Qo‘nish yo‘lagiga kirish vaqtida komandir Valid bin Muhammad al-Muhammad to‘satdan hushini yo‘qotdi. Ikkinchi uchuvchi Rami bin G‘oziy boshqaruvni qo‘lga olishga muvaffaq bo‘ldi va qo‘nishni eson-omon amalga oshirdi. U, shuningdek, radioaloqa orqali tez yordam brigadasini chaqirdi. Yetib kelgan shifokorlar havo kemasi komandiri infarktdan vafot etganini qayd qildi.
Izoh (0)