Bolgariya bosh vaziri Boyko Borisov jazolash haqidagi tahdidlar bitilgan maktub oldi, deya xabar bermoqda “TASS” Bolgariya milliy radiosiga tayanib.
“Hukumatga anonim konvert keldi, unda bosh vazirning surati, o‘q va tahdidli xat bor edi, maktub gazetadan kesib olingan harflar orqali yozilgan. Maxsus xizmatlar hodisa yuzasidan tekshiruv olib bormoqda”, — deyiladi xabarda.
Tahdidli maktub olinganini hukumat rahbarining o‘zi ham tasdiqladi. “Xatni oldim, lekin juda qo‘rqib ketmadim. Kontrabandachilardan qariyb 3 milliard lev (1,5 milliard yevro)ni olib qo‘ygandan keyin va boshqa ommabop bo‘lmagan xatti-harakatlardan so‘ng doim javob harakatlarini kutish mumkin”, — dedi Borisov.
Izoh (0)