Болгария бош вазири Бойко Борисов жазолаш ҳақидаги таҳдидлар битилган мактуб олди, дея хабар бермоқда «ТАСС» Болгария миллий радиосига таяниб.
«Ҳукуматга аноним конверт келди, унда бош вазирнинг сурати, ўқ ва таҳдидли хат бор эди, мактуб газетадан кесиб олинган ҳарфлар орқали ёзилган. Махсус хизматлар ҳодиса юзасидан текширув олиб бормоқда», — дейилади хабарда.
Таҳдидли мактуб олинганини ҳукумат раҳбарининг ўзи ҳам тасдиқлади. «Хатни олдим, лекин жуда қўрқиб кетмадим. Контрабандачилардан қарийб 3 миллиард лев (1,5 миллиард евро)ни олиб қўйгандан кейин ва бошқа оммабоп бўлмаган хатти-ҳаракатлардан сўнг доим жавоб ҳаракатларини кутиш мумкин», — деди Борисов.
Изоҳ (0)