Buyuk Britaniya milliy olimpiya qo‘mitasi (MOQ) qator homiylik kompaniyalariga Braziliyada o‘tadigan Olimpiada o‘yinlarida britaniyalik sportchilarni medallar bilan qutlash, hatto musobaqalar oldidan ularga omad tilashni ham man etdi. Bu haqda “TASS” xabar bermoqda.
Yangi qoidalar Olimpiada o‘yinlari yoki Buyuk Britaniya milliy terma jamoasi rasmiy homiylari bo‘lmagan barcha kompaniyalarga taalluqli ekanligi bildirilmoqda. Shuningdek, mazkur kompaniyalarga o‘yinlar chog‘ida mamlakat terma jamoasi sportchilarining ijtimoiy tarmoqlardagi xabarlarini qayta chop etish ham taqiqlanadi.
Ma’lumot uchun, yozgi Olimpiada 2016-yilning 5—21-avgust kunlari Rio-de-Janeyroda bo‘lib o‘tadi.
Izoh (0)