Moskva metropolitenining aylanma yo‘nalishida sinovdan o‘tayotgan avtopilotli poyezd yo‘lovchilarni tashiy boshladi. Bu haqda metro matbuot xizmati ma’lum qildi, deya xabar beradi “Interfaks”.
“Shunday poyezdlardan biri yo‘lovchilarni aylanma yo‘nalishda tashimoqda. Tizim kabinada mashinist bo‘lmasligini nazarda tutmaydi, ammo poyezdni boshqarishning asosiy funksiyalarini o‘ziga oladi. Yaqin orada avtopilotli tarkiblar sonini uchtaga yetkazish rejalashtirilmoqda”, — deya ta’kidlagan agentlik manbasi.
Manbaning bildirishicha, kompyuter poyezdni platformaga uch santimetr yetmay to‘xtatishga qodir. Harakat faqat mashinist ko‘rsatmasidan keyin davom ettiriladi. U favqulodda holat chog‘ida poyezd nazoratini to‘liq zimmasiga oladi.
Avtoboshqaruv tizimi poyezd platformaga yaqinlashgandagina yo‘lovchilar uchun eshiklar ochilishini kuzatib boradi. Shuningdek, mashinist qaysidir sabablarga ko‘ra poyezdni boshqarolmay qolganda, dispetcher masofadan turib transportni to‘xatishiga imkon beruvchi texnologiya ham ishlab chiqilmoqda.
Izoh (0)