Turkiyada harbiy konvoy ketayotgan yo‘lda portlash ro‘y berdi

Turkiyaning Diyorbakir viloyatida, harbiy konvoy ketayotgan yo‘lda qo‘lbola qurilma portladi. Buning oqibatida jarohatlanganlar bor, deya xabar beradi “RIA Novosti”.

Hodisa Lije shahri hududida sodir bo‘ldi. Voqea joyiga tez yordam mashinalari yetib kelgan. Kuch tizimlari xodimlari tomonidan aksilterror operatsiyasi boshlangan.

Eslatib o‘tamiz, oldinroq Anqara markazida, shuningdek, Shvetsiya poytaxti yaqinidagi turk madaniy markazi binosida portlashlar ro‘y bergani haqida xabar berilgandi.