Parvozlar xavfsizligi bo‘yicha Yevropa agentligi (EASA) Yevroittifoq aviatashuvchilariga Qrim osmonidagi parvozlarni qayta tiklash imkoniyatini ko‘rib chiqishni tavsiya etdi, deb yozadi Meduza.
EASA tomonidan aviakompaniyalarga tarqatilgan xabarda aytilishicha, Qrim osmonidagi parvozlar Simferopol hududida agentlik tomonidan tasdiqlangan ikkita yo‘nalish bo‘yicha amalga oshirilishi mumkin.
EASA yarim orol ustidan uchib o‘tishda Ukraina dispetcherlik xizmati xizmatlaridan foydalanish kerakligini ta’kidladi.
Nashr eslatishicha, EASA Yevroittifoq aviakompaniyalariga Qrim 2014-yil martida Rossiya tarkibiga qo‘shilgach, uning havo hududiga yaqinlashmaslikni tavsiya etgan edi.
Izoh (0)