Global Firepower nashri dunyoning eng qudratli armiyalari reytingini tuzdi. Unda O‘zbekiston 126 mamlakat ichida 54-o‘rinni egalladi. Bu o‘tgan yilgi ko‘rsatkich bilan teng bo‘ldi.
O‘zbekiston MDH davlatlari orasida Rossiya (2-o‘rin), Ukraina (25-o‘rin) va Belarus (45-o‘rin)dan keyingi 4-o‘rinni egalladi.
Ushbu reytingda O‘zbekiston Markaziy Osiyo davlatlari orasida birinchi bo‘ldi. Qozog‘iston armiyasi reytingda 66-o‘rin, Qirg‘iziston — 78, Tojikiston — 81, Turkmaniston — 90-o‘rinda joylashdi.
Reytingda AQSh yetakchilik qildi. Yuqori o‘ntalikka, shuningdek, Rossiya, Xitoy, Hindiston, Buyuk Britaniya, Fransiya, Janubiy Koreya, Germaniya, Yaponiya, Turkiya kirdi.
Reytingni tuzishda 50 ga yaqin turli omillar, jumladan qo‘shinlar soni, quruqlik, havo va dengizda jangovar harakatlar olib borish uchun mo‘ljallangan harbiy texnika miqdori hisobga olindi. Shu bilan birga, mamlakatlar qurol-yarog‘ga sarflashi mumkin bo‘lgan iqtisodiy manbalar va reyting ishtirokchilarining geografik joylashuvi hisobga olindi.
Izoh (0)