Hukumatning O‘zbekiston Respublikasidagi elektron tijorat qoidalarini tasdiqlash to‘g‘risidagi qarorining loyihasi Interaktiv davlat xizmatlari yagona portaliga muhokama uchun joylandi, deb yozadi “Gazeta.uz”. Muhokama fevral oxirigacha davom etadi.
Hujjatda ta’kidlanishicha, axborot tizimlaridan foydalanib tuzilgan shartnoma yozma shaklda tuzilib, tomonlar imzolagan va muhrlagan shartnomaga tenglashtiriladi.
Qoidalar loyihasiga ko‘ra, elektron tijorat shaklida mahsulotni sotish, ishlarni bajarish va xizmat ko‘rsatish uchun ruxsat beruvchi hujjatga ega bo‘lish shart emas. Bundan tashqari, mahsulotlarni shaxsiy avtomobilda yetkazib berishda litsenziya olish talab etilmaydi.
Qoidalarda elektron savdo maydonlari Axborot texnologiyalari va kommunikatsiyalarini rivojlantirish vazirligi tomonidan shakllantiriladigan vebsaytlar va boshqa elektron manbalar yagona ro‘yxatiga kiritilishi kerakligi ko‘zda tutilgan.
Izoh (0)