Rossiyaning Tula viloyatida mashhur konstruktor Gennadiy Denejkin 85 yoshida vafot etdi. Bu haqda 13-fevral, shanba kuni viloyat hukumati matbuot xizmati ma’lum qilgan, deya xabar beradi “RBK”.
Denejkin “Grad”, “Uragan”, “Smerch” kabi birvarakayiga o‘t ochish reaktiv tizimlari yaratuvchisi hisoblanadi. 300 dan ziyod ilmiy ishlar va ixtirolarga mualliflik qilgan. Mamlakat mudofaa tizimini mustahkamlashga qo‘shgan katta hissasi uchun bir qator yuksak mukofotlar, jumladan, Mehnat Qahramoni unvoni bilan taqdirlangandi.
Konstruktor bilan xayrlashuv marosimi 15-fevral kuni o‘tkazilishi, ertasiga esa dafn etilishi belgilangan.
Izoh (0)