Gvatemalaning yangi prezidenti, taniqli komediya aktyori Jimmi Morales maoshining kattagina qismini xayriya uchun sarflay boshladi. Bu haqda “Korrespondent.net” xabar bermoqda.
Morales saylovlar chog‘ida va’da qilgan 50 foiz o‘rniga prezidentlik maoshining 60 foizini xayriyaga yo‘naltirdi va kelgusida ham shu mutanosiblikni saqlab qolishga va’da berdi. Davlat rahbari tomonidan ajratilgan 41,5 ming ketsal (5,2 ming dollar atrofida) to‘rt yo‘nalish bo‘yicha taqsimlandi. Ular orasida Komalapa shahri cherkovi muzeyi, Champeriko shahri bandargohi, Peten departamenti fondi va maktab bor.
Morales o‘zi uchun maoshining 40 foizi yoki 27,7 ming ketsal (3,5 ming dollar) qoldirdi. U keyingi yillarda maoshini ijtimoiy ehtiyojlarga sarflagan Lotin Amerikasida ikkinchi prezident (birinchisi Urugvayning sobiq rahbari Xose Muxika edi) bo‘ldi.
Izoh (0)