AQSh prezidenti Barak Obama 9-fevral, seshanba kuni oktabrdan boshlanadigan kelgusi budjet yili uchun 4 trillion dollardan ziyod miqdordagi federal xarajatlar rejasini taqdim etdi. Bu haqda “RBK” xabar bermoqda.
Obama atrof-muhitni himoya qilish, sog‘liqni saqlash, transportni rivojlantirish xarajatlarini ko‘paytirish, qishloq xo‘jaligi, koinot tadqiqotlari va Davlat departamentiga sarflandigan mablag‘larni esa, aksincha, qisqartirishni taklif qildi. Shuningdek, IShIDga qarshi kurash uchun xarajatlarni 50 foizga oshirish, jumladan, 45 ming dona GPS yordamida boshqariladigan “aqlli bomba”lar sotib olishni taklif etgan.
Prezident rejasiga neft barreli uchun soliq ham kiritilgan. “Biz eksport va import qilinadigan neft barreli uchun soliq joriy etishni ko‘zlayapmiz. Bundan keladigan daromadning bir qismini transportga, yana bir qismini fundamental tadqiqotlar va kelajak energiyasi manbalari uchun zarur bo‘lgan texnologiyalarga yo‘naltirish mumkin”, — deya ta’kidlagan Obama.
Respublikachilar tomonidan nazorat qilinadigan kongress prezident taklif etayotgan tashabbuslarning aksariyati amalga oshishiga yo‘l qo‘yilmasligini bildirmoqda.
Izoh (0)