Yelizaveta II Londonga ta’tildan elektrichkada qaytib keldi
Qirolicha Yelizaveta II ta’tildan Londonga oddiy elektrichkada qaytib keldi, deya xabar bermoqda The Telegraph. Janobi oliyalari Buyuk Britaniya poytaxtiga Norfolk grafligidan qaytib keldi, u yerda u an’anaviy tarzda qishki ta’tilni o‘tkazdi.
Yelizaveta birinchi klass bilan sayohat qildi. U poyezd Kins-Linn bekatidan jo‘nab ketishidan besh daqiqa avval vagondagi o‘rnini egalladi. Londonning Kings-Kross vokzaligacha bo‘lgan yo‘l 1 soat-u 40 daqiqani tashkil etdi. Yo‘lkira 54,9 funt sterling (79 dollar)ga tushdi.
“Men unga Norfolkka safari yoqqan-yoqmaganligini so‘radim, u tasdiq javobini berdi”, — dedi Kins-Linn bekati boshlig‘i Grem Prett.
Nashr ta’kidlashicha, Yelizaveta II Britaniya temir yo‘llari xizmatlaridan ko‘p yillardan buyon foydalanib keladi. Masalan, 1991-yilda u nafaqat 225-poyezdda sayr qilgandi, balki o‘z vagonida qirolichani uchratishni kutmagan yo‘lovchilar bilan hazillashib ham qo‘ygan edi.
