Rossiyaning Surgut shahrida avtomobillarga yoqilg‘i quyish shoxobchasida o‘z avtomobiliga tasodifan o‘t qo‘yib yuborgan ayol ma’muriy jarimaga tortildi, deb xabar beradi “TASS”.
Tekshiruvlar davomida pistolet bakda turgan paytda ayol benzin baki qulfini yondirgich (zajigalka) bilan isitishga uringani aniqlandi. Shu sababli alanga yuzaga kelgan. Unga 4 dan 5 ming rublgacha bo‘lgan ma’muriy jarima belgilangan, ayol jarimani to‘lab bo‘lgan.
FVVning Yugra okrugi bo‘yicha bosh boshqarmasi matbuot xizmati xabar qilishicha, bir qator yengillashtiruvchi holatlar borligi uchun ayol minimal jarima to‘lagan. Birinchidan, u qilgan ishidan pushaymon, ikkinchidan, u ilgari javobgarlikka tortilmagan.
Avtomobillarga yoqilg‘i quyish shoxobchasidan shikoyat tushmagani uchun jinoiy ish ochilmadi. FVV ma’lumotiga ko‘ra, avtomobilga arzimas zarar yetgan.
Surgutdagi yoqilg‘i quyish shoxobchasidagi hodisa 2016-yil 4-yanvarda sodir bo‘lgandi. Ayolning o‘z avtomobiliga o‘t qo‘yib yuborgani YouTube orqali 270 ming martadan ortiq ko‘rildi.
Izoh (0)