Kongo Demokratik Respublikasidagi to‘qnashuvlar natijasida kamida 15 kishi halok bo‘ldi

Kongo Demokratik Respublikasi (KDR) sharqidagi qurollangan guruhlar o‘rtasidagi to‘qnashuvlar natijasida kamida 15 kishi halok bo‘ldi, deb xabar beradi “TASS”.

AFP ma’lumotlariga ko‘ra, hodisa Shimoliy Kivu provinsiyasida yuz bergan. “Ma’lumotlarga ko‘ra, 15 dan 30 kishigacha odamning jasadi topildi”, — dedi mahalliy hukumat vakillaridan biri.

Aynan qaysi guruhlar o‘rtasida to‘qnashuvlar bo‘lgani haqida ma’lumotlar yo‘q.

KDR sharqida “Demokratik kuchlar alyansi” va “Ruanda ozodligi demokratik kuchlari” guruhlari harakat qiladi.