U-23 Osiyo chempionati finalida Yaponiya Janubiy Koreyadan ustun keldi

Yaponiya olimpiya terma jamoasi U-23 Osiyo chempionati finalida Janubiy Koreyaga qarshi maydonga tushdi va qiyin kechgan uchrashuvda irodali g‘alabani qo‘lga kiritib, qit’a chempionligini qo‘lga kiritdi, deb xabar beradi “Uff.uz”.

Final bahsida Janubiy Koreya olimpiyachilari 2:0 hisobida oldinga chiqib olgan edi. Ammo Yaponiya yoshlar terma jamoasi 67 va 68-daqiqalarda tezkor gollar kiritib vaziyatni o‘ngladi. Qo‘shimchasiga 81-daqiqada Takumo Asano kiritgan g‘alaba to‘pi yaponlarga oltin medallarni keltirdi.

U-23 Osiyo chempionati. Final

Yaponiya, Janubiy Koreya va 3-o‘rinni egallagan Iroq terma jamoasi yozda Rio-de-Janeyroda o‘tkaziladigan Olimpiada o‘yinlarida ishtirok etadi.