Tailandda bu mamlakat uchun xos bo‘lmagan sovuq oqibatida uch kun mobaynida 21 kishi nobud bo‘ldi. Bu haqda mamlakat IIV qoshidagi tabiat ofatlaridan ogohlantirish markazi vakillari ma’lum qilgan, deya xabar beradi “RIA Novosti”.
“Ayni paytga qadar 21 kishi olamdan o‘tgani tasdiqlandi. Ular asosan hozirda sovuq hukm surayotgan, kechki harorat nol hamda undan past darajaga tushayotgan shimoliy va shimoli-sharqiy viloyatlarda yashovchilardir. Afsuski, bu raqamlar yakuniy emas”, — deya ta’kidlagan markaz rahbarining o‘rinbosari Vasan Txunmipxanbun.
Sovuqdan o‘lganlar orasida nafaqat ko‘pincha bunday favqulodda holatlar qurboni bo‘ladigan keksalar, balki 30—40 yosh atrofidagi erkak va ayollar ham borligi aytilmoqda.
Izoh (0)